Ispaniyaning Real klubi prezidenti Florentino Peres jamoa bosh murabbiyi Zinedin Zidanni iste'foga chiqarish niyatida bo'lib turibdi. Bu haqda Sport.es nashri xabar tarqatdi, deb yozadi "KUN.UZ".
Katalon nashri bergan ma'lumotga ko'ra, frantsuz mutaxassisining kelgusidagi faoliyati jamoaning Yevropa chempionlar ligasidagi ishtirokiga bog'liq bo'lib qolmoqda.
Agar poytaxt klubi yevrokuboklar mavsumini ham erta yakunlaydigan bo'lsa, Peres Zidan o'rniga Atletik bosh murabbiyi Ernesto Valverdeni taklif qilishni rejalashtirgan. Basklar murabbiyini Peres o'tgan yil yozda Karlo Anchelottini ishdan bo'shatgach, olib kelishni niyat qilgan, biroq oxir-oqibat Rafael Benites nomzodiga to'xtalgandi.
Qayd etib o'tish joiz, Peres Real prezidenti sifatida 13 yillik faoliyati davomida 10 marta jamoa bosh murabbiylarini almashtirgan.
