Ozarbayjonda 2015 yilning 1 yanvaridan Oila Kodeksiga kiritilgan o'zgarishlar o'z kuchiga kirdi. Bu o'zgarishlarga muvofiq, turmush qurishni istaganlar FHYoD muassasalariga ariza berish bilan birga tibbiy ko'rikdan o'tganliklari haqidagi ma'lumotnomani ham taqdim qilishlari shart , deb axborot beradi “Trend” agentligiga asoslanib, “lenta.ru” nashri.
Tibbiy ko'rik yashash manzili bo'yicha davlat tibbiyot muassasalarida bepul o'tkaziladi. Shu bilan birga, bu ko'rik natijalari haqidagi a'borot FHYoD vakillaridan sir tutiladi, chunki u tibbiy sir hisoblanadi.
Bu chora oilaviy munosabatlarga kirgan tomonlardan biri, agar boshqa tomon teri-tanosil va OITS kasalliklariga olib keluvchi kasalliklar haqidagi ma'lumotni ataylab berkitganida, nikohni bekor qilish haqidagi da'vo bilan sudga murojaat etishi uchun zarur bo'ladi.