2016-yilning 1—3-mart kunlari Pekin shahrida O‘zbekiston tomoni raisligida ShHTga a’zo davlatlar ekspertlarining yig‘ilishi bo‘lib o‘tdi. Bu haqda O‘zbekiston Respublikasi Tashqi ishlar vazirligi matbuot xizmati xabar beradi.
Uchrashuv chog‘ida ShHTga a’zo davlatlar hukumatlari o‘rtasida 2016—2020-yillar uchun jinoyatchilikka qarshi kurashish sohalarida hamkorlik to‘g‘risidagi Bitimni amalga oshirish bo‘yicha Harakat dasturi loyihasi hamda huquqni muhofaza qilish organlarining hamkorligini yanada rivojlantirish istiqbollari muhokama qilindi.
Ushbu Bitim 2010-yilning 11-iyun kuni Toshkent shahrida ShHTga a’zo davlatlar rahbarlari Kengashining majlisi mobaynida imzolangan.