It tishlashi oqibatida o`ng qo`lini yo`qotgan sakkiz yoshli qizaloq baxtsiz falokatdan keyin yarim yil o`tgach, maktabda o`tkazilgan suzish musobaqalarida qatnashdi. Bu haqda “Deti.mail.ru” nashri xabariga asoslanib "Darakchi" ma'lumot bermoqda.
Avstraliyaning Sidney shahrida yashovchi Taliya Stendlining sakkiz yoshga to`lishiga bir hafta qolganda, 2015 yilning 29 avgust kuni uyi oldida do`stlari bilan o`ynab o`tirganda, qo`shnisining iti uning o`ng qo`lini g`ajib tashlagan. Itni Taliyadan ajratishga harakat qilgan erkak uni qutqarolmagan, ikki-uch daqiqa ichida it qizchaning qo`lini bilagigacha g`ajigan. Uch oy mobaynida Taliya 9 ta jarrohlik amaliyotini boshdan kechirji, qo`lini esa tirsagigacha kesib tashlashga to`g`ri keldi.
Yaqinlarining, do`stlarining ruhiy madadi natijasida qizcha tengdoshlari qatori maktabga borishdan, sport bilan shug`ullanishdan, jilmayishdan to`xtamadi. Taliya qo`lini yo`qotgunga qadar sportning suzish turi bilan muntazam ravishda shug`ullanib kelgan. Falokatdan olti oy o`tib, Taliya maktabda o`tkazilgan suzish musobaqalarida qatnashdi.
Taliyaning ota-onasi ijtimoiy tarmoqqa uning musobaqada qatnashish jarayonida suratga olingan videoni internetga joyladi, videoni millionlab odamlar tomosha qilgan.
