Portugaliyaning “Sporting” jamoasida murabbiylik qilgan yillarida “Real” hujumchisi Krishtianu Ronalduni tarbiyalagan mutaxassis Luish Martin futbolchi, taqiqlarga qaramay, boshqalardan ko‘ra ko‘proq shug‘ullanishga intilgani haqida gapirib berdi.
“U xatto tartib-qoidani buzardi, – dedi u “Chempionat” muxbiri bilan suhbatda. – Biz u bilan mazkur masalada jiddiy gaplashib olganmiz ham. Ronalduni jazolashga to‘g‘ri kelardi. U ko‘proq shug‘ullanishni istardi. Yakshanba kuni ertalab uchrashuvlarimiz o‘tkazilardi, shanba kechasi esa u qorovulning ko‘zini shamg‘alat qilib, trenajyor zaliga yashirincha kirib olardi. U qanday qilib buning uddasidan chiqqanini tasavvur qila olmayman”.
Bu holat aniqlangach, murabbiy yosh futbolchi bilan jiddiy suhbat o‘tkazgan va jarimaga tortgan, negaki jismoniy zo‘riqish o‘yin sifatiga salbiy ta’sir ko‘rsatishi mumkin edi. O‘sha oyda Ronaldu stipendiyasining yarmini olgan.
Krishtianu Ronaldu “Sporting”ning yoshlar akademiyasiga 1997-yilda o‘tgan. 2002-yilda “Sporting”dan Angliyaning “Manchester Yunayted” jamoasiga o‘tgan.
Manab
