Ashxoboddan parvoz qilgan samolyot bortida vafot etgan yo‘lovchi tufayli Moskvaning Domodedovo aeroportida favqulodda qo‘ndi. Bu haqda “TASS” xabar qilmoqda.
Ta’kidlanishicha, bortida 1965-yilda tug‘ilgan yo‘lovchining dastlabki ma’lumotlarga ko‘ra yurak va o‘pka yetishmovchiligi tufayli vafot etganligi sababli, Ashxobod ― Minsk reysi bo‘ylab parvoz qilayotgan samolyot Rossiya poytaxtidagi Domodedovo aeroportida favqulodda qo‘nishga majbur bo‘lgan.
Ayni paytda layner aeroportda bo‘lib, yaqin vaqt ichida belgilangan yo‘nalish bo‘yicha parvozini davom etadi.
