19-mart kuni Rossiya shaharlarida “Yer soati” aksiyasini Rostov-Dondagi samolyot halokati qurbonlari xotirasiga bag‘ishlashdi, deb yozadi Meduza.
Rossiyaning “Yer soati” aksiyasida ishtirok etayotgan Moskva va boshqa yuzdan ortiq shaharlarida aksiyaga bag‘ishlangan barcha ko‘ngilochar tadbirlar bekor qilindi. Moskvadagi Qizil maydonda bir daqiqalik sukut saqlandi.
“Yer soati” Jahon yovvoyi tabiat fondining an’anaviy xalqaro ekologik aksiyasi bo‘lib, uning doirasida unda qatnashayotgan har bir shahardagi eng mashhur binolarni yoritib turgan chiroqlar o‘chiriladi. Aksiya 2006-yildan buyon o‘tkazib kelinadi, Rossiya unda 2008-yildan boshlab qatnashmoqda.
Eslatib o‘tamiz, 19-mart, shanba kuni FlyDubai aviakompaniyasiga tegishli Boeing 737-800 layneri Rossiyaning Rostov-Don shahri aeroportiga qo‘nish vaqtida halokatga uchradi. Hodisa oqibatida samolyot bortida bo‘lgan barcha yo‘lovchilar va ekipaj a’zolari halok bo‘lgan. Samolyot bortidagi yo‘lovchilardan biri o‘zbekistonlik bo‘lgan.
Manba
