Avgust boshida taqdim etilgan Samsung Galaxy S6 Edge+ O‘zbekistonda sotila boshladi, deya xabar bermoqda “Mobinfo.uz”.
Galaxy S6 Edge+ smartfoni deyarli avvalgi Galaxy S6 Edge smartfonining nusxasi hisoblansa-da, uning ekrani kattalashtirilgan. Yangi modelning ekrani ham egikdir.
Qurilma 5,7 dyuym va 2560×1440 pikselli Super AMOLED displey, sakkiz yadroli Exynos 7420 protsessori, 4 Gb tezkor xotira, 16 megapikselli asosiy va 5 megapikselli old kamera, 3000 mA/soat sig‘imli akkumulyatorga ega.
Toshkentdagi “Fleshka” savdo majmuasida Samsung Galaxy S6 Edge+ (32 Gb) taxminan 3,9 million so‘mga sotilmoqda.
