Janubiy Koreyaning Samsung kompaniyasi 2014 yilning oktyabr oyida e'lon qilingan alyumin korpusli Galaxy A5 smartfonini O'zbekistonda sotishni boshladi. Yangi smartfon dizayni Galaxy Alpha modelini eslatadi, biroq qurilmaning texnik ko'rsatkichlari ancha-muncha farq qiladi. Yangi qurilma ishlab chiqaruvchi tomonidan asosan yoshlar uchun mo'ljallangani aytib o'tilmoqda.
Galaxy A5 smartfoni 720×1280 pikselli HD ko'rsatish qobiliyatiga ega bo'lgan 5 dyuymli Super-AMOLED displeyi, 4 yadroli Qualcomm Snapdragon protsessori, 13-Mpli asosiy kamera (+ 5 Mp li frontal kamera), 2 Gb tezkor xotira, 16 Gb doimiy xotira, 2300 mAs hajmga ega bo'lgan quvvat batareyasi bilan jihozlangan.
“Samsung Galaxy A5” smartfoni LTE bo'yicha ma'lumotlarni uzatish va NFC simsiz aloqa o'rnatish funktsiyasini qo'llab-quvvatlaydi. Qurilma Android 4.4 KitKat operatsion tizimi ostida ishlaydi. Qurilmaning eni 7 mm ni tashkil etadi.
Poytaxtdagi “Fleshka” (“Malika”) maishiy-texnika bozorida bu smartfon taxminan 1,5 mln so'm narxda taklif etilmoqda.
