Birinchi Dubay opera teatri joriy yilning sentyabr oyida o'z faoliyatini boshlaydi, deb xabar beradi Yemaar Properties qurilish kompaniyasi. Barcha beton bilan bog'liq ishlar nihoyasiga yetkazilgan, tom to'liq o'rnatilgan va ayni damda elektromexanik, binoning old qismi va bezak ishlari amalga oshirilmoqda, deb yozadi "Kun".
Ikki mingdan ortiq tomoshabinni sig'dira oluvchi Dubai Opera binosi butun boshli Opera District tumanining markaziga aylanadi. Bino loyihasi yaratuvchilari fikricha, yangi teatr Downtown Dubai shahrining yangi taniqli, ko'ngilochar madaniyat markazi bo'lib xizmat qiladi. Opera binosining dizayni Dubay kemasozlik tarixidan ilhomlanib yaratildi. Arxitektorlar uchun arablarning an'anaviy dou qayig'i asosiy ilhom manbai bo'ldi. Imoratning zamonaviy imkoniyatlari binoni teatr, kontsert maydoni va ziyofatlar zali sifatida ishlatishga xizmat qiladi.
