Xonanda Shahzoda kutilayotgan konsertida qaysi qo`shiqlarining jonli ijro etilishi, turmush o`rtog`ining o`zi amal qiladigan maslahatlari, MY5 telekanalidagi boshlovchilik faoliyati va hamkorlik qilmaydigan san`atkor hamkasblari haqida “Shov-shuv.uz” nashriga bergan intervyusida gapirib o`tdi, deb yozadi "Darakchi".
“Kechira olishda qanchalar kuchlisiz? Kechira olmaydigan insonlaringiz ham bormi?” degan savolga xonada quyidagicha javob bergan:
“Odatda, men xafa bo`lmayman. Shunchaki, xulosa qilaman. Qachondir dilimni ranjitgan yo sotgan insonlar bilan esa aloqa qilishni to`xtatganman. Va bu qoidamga amal qilaman. Men kimmanki, kimnidir kechirsam yo kechirmasam?! Hammasi Yaratganning qo`lida!”
Shuningdek, u o`zi jonli ijro eta olmasligiga ko`zi yetmagan qo`shiqlarni umuman kuylamasligini aytdi.
Sayt muxbirining “Lola,Rayhon, Shahzoda. Ular birgalikda qo`shiq kuylashi mumkinmi?” degan savoliga u “Yo`q!”, deya javob berdi.