Professional boksning superog‘ir vazn toifasida WBA (Regular) yo‘nalishi chempioni Lukas Braun doping tekshiruvdan o‘tdi va uning qonida taqiqlangan klenbuterol moddasi borligi aniqlandi, deb yozadi "Championat.asia". Avstraliyalik bokschi hamyurtimiz Ruslan Chagayevga qarshi o‘tkazgan jangidan besh kun avval va jang yakunlanganidan so‘ng doping uchun tahlil topshirgandi.
Endi Braunni chempionlik kamaridan mahrum qilishlari mumkin. Ruslan Chagayev esa yangi chempionlik jangida ishtirok etish imkoniyatiga ega bo‘ladi. Klenbuterol moddasi Xalqaro antidoping tashkiloti tomonidan taqiqlangan moddalar qatoriga kiritilgan.
Eslatib o‘tamiz, Ruslan Chagayev va Lukas Braun o‘rtasidagi chempionlik jangi 5 mart kuni Grozniy shahrida o‘tkazilgandi. Unda hamyurtimiz raqibaga 10-raundda texnik nokaut bilan mag‘lub bo‘lgandi.
