6-martga o‘tar kechasi superog‘ir vazn toifasida Jahon boks assotsiatsiyasi (WBA)ning muntazam chempioni hisoblangan o‘zbekistonlik Ruslan Chagayev avstraliyalik Lukas Braunga qarshi kechgan 12 raundlik jangning 10-raundida texnik nokautga uchrab, chempionlik kamarini boy berdi. Chagayevning jamoasi ushbu jang natijasiga apellyatsiya beradi, deb xabar qilmoqda “Chempionat”.
“Bo‘lib o‘tgan jangning natijasiga apellyatsiya berish haqida menejerimga aytdim. Referi nima uchun jangni to‘xtatganini bilmayman. Tan olaman, Braunning zarbasini o‘tkazib yuborib, o‘tirib qoldim. Lekin boshim aylangani yo‘q. O‘zimni oqlash niyatida emasman, ammo hakam jangni bevaqt to‘xtatdi. Biz sportchimiz va oxirigacha kurashishga tayyormiz”, — dedi Chagayev.
Manba
