2014 yilda eng ko'p o'qilgan mavzular bo'yicha xabarlar beshtaligini aniqladi. O'zbekistonning siyosiy, iqtisodiy va ijtimoiy haytiga oid ushbu hodisalar ko'p sonli o'quvchilarimizning diqqat markazida bo'ldi. Bu haqda Uz24.uz xabar berdi.
1. O'ZBEKISTONDA PARLAMENT SAYLOVI O'TKAZILDI. 2014 yil 21 dekabr kuni Oliy Majlis Qonunchilik palatasi hamda xalq deputatlari viloyat, tuman va shahar Kengashlariga saylovlar bo'lib o'tdi. Saylov kampaniyasi 15 sentyabrdan ish boshladi. Saylov 21 dekabr, yakshanba kuni o'tkazildi. Yakuniy natijalarga ko'ra, respublikamizdagi 135 saylov okrugining 113 tasidan deputatlar saylandi. Ro'yxatga olingan deputatlar orasida O'zLiDeP vakillari 47 nafarni, “Milliy tiklanish” demokratik partiyasi vakillari 28 nafarni, Xalq demokratik partiyasi vakillari 21 nafarni va “Adolat” SDP vakillari 17 nafarni tashkil etdi. O'zbekiston Ekologik harakatiga esa 15 nafar deputat saylandi. (etarli miqdorda ovoz to'play olmagan 22ta okrugda esa 2015 yil 4 yanvar kuni qayta ovoz berish o'tkaziladi)
2. A) O'ZBKISTONDA YANGI MOBIL ALOQA OPERATORI - UMS OChILDI. 2014 yilning 1 dekabr kuni UMS mobil aloqa operatori O'zbekistonda faoliyatini boshladi. MTS aloqa operatori O'zbekiston bozorini 2012 yilning yozida tark etgandan so'ng, ikki yil o'tib O'zbekiston hamda Rossiyaning MTS kompaniyasi o'rtasida qo'shma korxona tashkil etish bo'yicha xalqaro bitim imzolandi. Sentabr oyida "Aloqabank" yangi ochilgan aloqa operatoriga 500 milliard so'm kredit ajratdi.
B) O'ZBEKISTONDA YANGI "MY5" TELEKANALI TAShKIL ETILDI. Raqamli formatda Toshkent shahri va Toshkent viloyatlari hududida efirga uzatiladigan telekanal asosan yoshlar auditoriyasiga mo'ljallangan bo'lib, dasturlar ham aynan yosh jurnalistlar tomonidan tayyorlanadi. Yangi telekanalning nomi “MY5” – “Mening yurtim” so'z birikmasining bosh harflari hamda a'lo darajaning ko'rinishi bo'lgan “5” raqami birikuvidir.
3. TOShKENTDA KUChLI JALA YOG'DI. 2014 yilning 30 may, juma kuni Toshkentda kuchli jala sababli ko'chalar suv bilan to'ldi. Bu holat yo'llarda avtomobillar harakatini qiyinlashtirdi. Suv bosgan ko'chalar suratlari internet tarmog'ida ommalashib ketdi.
4. TOShKENT VILOYATI KELES TUMANIDA “MAHLUQ” PAYDO BO'LDI... Joriy yilning iyul oyida Toshkent shahrining Kelesga chiqish yo'lidagi ko'prikda sakrab yurgani aytilgan «mahluq» haqidagi xabarlar ijtimoiy tarmoqlar va shahar aholisi orasida eng ko'p muhokama qilingan hodisalardan biriga aylandi va vahima uyg'otishga ham sabab bo'ldi. Biroq bu xabarning yolg'onligi tasdiqlandi hamda katta ehtimol bilan bolalar yoki o'smirlar tomonidan o'ylab chiqilgan bir hazil bo'lishi mumkin, deb izohlandi.
5. “FAROVONLIK” LOTEREYASI NATIJALARI E'LON QILINDI. “Agrobank” aktsiyadorlik tijorat banki tomonidan taklif etilgan "Farovonlik" pul-buyum yutuqli, tirajli lotereya biletlarining natijalari yil so'nggida ko'pchilikni qiziqtirib qo'ydi. Tirajda 10 tadan Malibu, Captiva va Cobalt rusumli avtomashinalar, 5 tadan traktorlar, Roison va Panda televizorlari, muzlatgichlar, konditsionerlari, kir yuvish mashinalari, gaz plitalari hamda 1 million 113 ming 735 ta pul yutuqlaridan iborat bo'lgan jami 22,5 millliard so'mlik 1 million 118 mingta pul va buyum yutuqlari o'ynaldi. Biroq e'lon qilingan natijalarga ko'ra, aynan kimningdir yutuq egasi bo'lganligi haqida hozircha ma'lumotlar yo'q.
