O'tgan yilning dekabrida Mark Sukerberg ota bo'ldi turmush o'rtog'i Prissella unga Maks ismli qizchani hadya etdi. Kichkintoyning dunyoga kelishi bilan Facebook asoschisi ishlarini bir chekkaga surib qo'yib, farzandiga vaqt ajratishini e'lon qilgandi.
Mana, ikki oydan so'ng baxtli ota ishga chiqishga qaror qildi. Ijtimoiy tarmoqdagi o'z rasmiy saytida garderobi suratini joylashtirib, foydalanuvchilardan birinchi ish kuniga nima kiyishini so'rab, qiziqdi. Ajablanarlisi shundaki, ilgaklarda kul rangning turli tusidagi bir xil futbolka va ko'ylaklar tartib bilan ilib qo'yilgan edi.
Bu esa Mark obunachilarini kulgisini qistatib, hazil jumlalarni yozishga undadi.
Foydalanuvchilardan biri: Bu Mark. U Facebook'ni yaratgan. Mark bir xil kiyimlar joylashtirilgan shkafdan nimani tanlashni bilmayapti. Mark qat'iyatsiz. Mark singari bo'lma, deb yozgan.
Eslatib o'tamiz, Mark Sukerberg kul rangdagi futbolkalarni yoqtirishi bilan ham mashhur. O'z intervyularida bir necha bor kiyim tanlashga o'xshash muhim bo'lmagan qarorlarni qabul qilishga vaqt sarflashni istamasligini tushuntirgan.