Buyuk Britaniyadagi Beaulieu daryosi yaqinida yashovchi Stefen Tyurner yangicha ko‘rinishdagi qayiq yaratdi. Bunda unga PAD studio va The SPUD group kompaniyalari yordam bergan.
Stefen suvning ko‘tarilishi va unga doir matematik integrallarni hisoblash bilan butun umrini daryo bo‘yida o‘tkazgan.
Qayiqning nomini Exbury egg deb atashdi. Chunki, ko‘rinishi rostdan ham tuxumga o‘xshaydi.
Qayiq uzoq vaqt davomida tekshirilgan. Jumladan, 730 kun suv ustida va yana 365 kun davomida shamol, yomg‘ir, qor hamda issiq quyosh taftida sinovdan o‘tkazilgan.
Tuxum-qayiq chetidan tortib qirg‘oqqa bog‘lab qo‘yiladi. U esa suv to‘lqinlari ustida tebranib, huzur baxsh etadi.
Qayiqning ichkari qismi zamonaviy jihozlangan: tebranma yotoq, mustahkam stol, issiq pech va albatta, quruq xona.
Tepasida quyosh batareyasi joylashtirilgan bo‘lib, noutbuk, fotoapparat yoki mobil telefonlarni zaryadlash uchun elektr tizimi ham mavjud.
Ajoyib dizayn… Shunday emas-mi?
Suratlar designboom.com saytidan olingan.
