Xavfsizlikka tahdid mavjudligi tufayli Germaniyaning Anqaradagi elchixonasi, Istanbuldagi bosh konsulxonasi, xodimlarning farzandlari uchun maktab va bolalar bog‘chasi yopildi, deya xabar bermoqda “RBK” Germaniyaning Turkiyadagi diplomatik vakolatxonasi tarqatgan ma’lumotga tayanib. Unda aytilishicha, fuqarolarga Taqsim maydoni yonida joylashgan bosh konsulxona hududiga yaqinlashmaslik tavsiya etilmoqda.
Germaniya tashqi ishlar vazirligi vaziyatga aniqlik kiritishicha, xavfsizlik chorasi potensial xavf haqida paydo bo‘lgan ma’lumotlar bilan bog‘liq, ular hali tasdiqlanganicha yo‘q. Elchixona xodimlari qo‘liga kelib tushgan ogohlantirishlarda Anqaradagi savdo markazida terakt xavfi mavjudligi aytilgan.
Eslatib o‘tamiz, 13-mart, yakshanba kuni Anqarada portlash sodir bo'ldi. So‘nggi ma’lumotlarga ko‘ra, terakt natijasida 37 kishi qurbon bo‘ldi, 120 dan ortiq kishi yaralandi.
Manba
