Ukrainada epidemiya mavsumi boshlanganidan beri gripp va uning asoratidan nobud bo‘lganlar soni 326 kishiga yetdi. Vafot etganlar orasida 17 yoshga to‘lmagan besh nafar bola va ikki nafar homilador ayol bor. Bu haqda Ukraina sog‘liqni saqlash vazirligi matbuot xizmati ma’lum qildi, deya xabar beradi “Korrespondent.net”.
Oldinroq grippdan 313 nafar ukrainalik o‘lgani bildirilgandi.
Eng ko‘p o‘lim holatlari poytaxt Kiyevda (38) , Odessa (40) , Donesk (26), Cherkassk (22) va Lvov (20) viloyatlarida qayd etilgan.
