12-oktabr, dushanba, xalqaro ko‘krak saratoniga qarshi kurash kuni Ukrainaning besh shahrida patrul politsiyasi ishtirokida “Atirgul patruli” aksiyasi boshlandi. Bu haqda “Korrespondent.net” xabar bermoqda.
Aksiya doirasida Kiyev politsiyachilari ayollarga atirgul taqdim etayotgani tasvirlangan suratlar ijtimoiy tarmoqlarda paydo bo‘ldi. Tashkilotchilarning aytishicha, politsiya xodimlari poytaxt ko‘chalarida har bir ayol o‘z salomatligi haqida qayg‘urishi, vaqt topib tegishli shifokorga uchrashi lozimligi to‘g‘risidagi mingta eslatmaning ramziy timsoli sifatida 1000 ta atirgul tarqatadi.
Statistika ma’lumotlariga ko‘ra, Ukrainada har kuni ko‘krak saratonidan bir nafar ayol hayotdan ko‘z yumadi.
