Ukrainaning Chernigovskaya viloyatida yashovchi Yevgeniy Kolivan o‘zining eskigina avtomobili uchun ancha arzon va tejamli yoqilg‘i turini o‘ylab topdi, deya xabar bermoqda “Segodnya.ua”.
Yevgeniy mashinasiga yoqilg‘i sifatida benzin emas, balki o‘tin soladi. Buning uchun fizika va kimyo o‘qituvchisi, ayni paytda esa texnik xizmat ko‘rsatish stansiyasi ishchisi avtomobil yukxonasiga metall bochka va bidon mahkamlab qo‘ydi, o‘tin aynan shularga joylashtiriladi. O‘tin tutab yonadi, ajralib chiqayotgan gaz filtrlanadi, soviydi va quvurlar orqali dvigatelga yetib boradi.
Yevgeniy o‘z avtomobilidan mamnun. Uning aytishicha, mashinasini o‘zgartirgan vaqtdan buyon bir yil ichida u 7 ming kilometr masofani bosib o‘tib, 15 ming grivna tejagan.
