"CHelsi" bosh murabbiyi Gus Xiddink PSJga qarshi bo'lib o'tadigan uchrashuvi haqida fikr bildirdi, deb yozadi "Championat.asia".
"Mehmonda gol - evrokubok uchun juda yaxshi natija. Bu uchrashuv ikki hujumkor jamoaning jangi bo'ladi.
Azar? Eden Parijda o'ynaganida juda og'ir jarohatdan tiklangan edi va biz undan uchrashuvda to'liq o'ynashni talab qila olmasdik. Ammo haftalar o'tdi va mana bugun u nimaga qodirligini ko'rsatadi. Biz uni tavakkal qilmaslik uchun o'zgartirdik. Endi Azar bor kuchi bilan o'ynay oladi deb o'ylaymiz.
Oldiroq Pedroda muammolar paydo bo'lgandi, ammo u ter to'kib ishladi va safga qaytgandek shug'ullandi. Dam olish kuni Kostada ham kichik muammo bor edi, ammo bugun u maydonga tushsa kerak" - deydi Xiddink.
