Las-Vegasda bo'lib o'tayotgan CES 2016 ko'rgazmasida Xitoyning uchuvchisiz parvoz qurilmalari ishlab chiqaruvchi Ehang kompaniyasi dunyodagi ilk uchuvchisiz uchar taksini namoyish qildi, deb xabar bermoqda Daily Mail nashri.
Ehang 184 deb nomlanuvchi parvoz qurilmasi katta kvadrakopter shaklida bo'lib, bir yo'lovchini tashish uchun mo'ljallangan.
Ehang 184 kabinasi ichida boshqaruv asbob-uskunalaridan hech narsa – na boshqaruv dastagi, na shturvali, na tugmalar mavjud. Kabinada faqatgina o'rindiq va planshet mahkamlangan stolcha bor.
Uchar taksida bir joydan ikkinchi joyga uchib o'tish uchun yo'ldoshli mobil dastur yordamida yo'nalishni berish kerak. Parvoz paytida barcha boshqaruvni dron o'z zimmasiga oladi, shuning uchun qurilmani qo'llash uchun uchuvchi litsenziyasi kerak bo'lmaydi.
Dron 1,5 metr balandlikka va 200 kg og'irlikka ega. Undagi 8 ta elektr dvigatelning umumiy quvvati 100 kg og'irlikdagi yukni tashish uchun etarli buladi.
Dron havoga vertikal tarzda ko'tarilib-qo'nadi. U havoda 23 daqiqa davomida o'rtacha 100 km/soat tezlik bilan, 3,5 km balandlikkacha ko'tarilib harakatlana olishi mumkin.
