Yaponiyaning Kumamoto prefekturasi hokimiyati 110 mingdan oshiq tovuqni yo‘q qilmoqchi. Bunga mahalliy fermalardan birida parranda grippi aniqlanganligi sabab bo‘ldi, deb yozadi “ITAR-TASS”.
Xavfli virus Taragi posyolkasidagi parranda fermasida uchragan. Ferma xodimlari u yerda 270 dan oshiq tovuq o‘lganligini aniqlashgan. Veterinar tekshiruvining ko‘rsatishicha, ular parranda grippidan o‘lgan.
Shu sababli prefektura hokimiyati ferma atrofida uch kilometrlik karantin hududi tashkil etgan. U yerdan har qanday mahsulot olib chiqish taqiqlangan.
Yaponiyada parranda grippi aniqlanishi yil boshidan buyon uchragan birinchi holatdir.
