21 yoshli Tessin Okada o‘zining ilk jangidan 17 kun o‘tib, Tokiyodagi shifoxonada vafot etdi. Bu haqda "Frans-Press” agentligi xabar berdi. Okada 52,2 kilogrammgacha bo‘lgan bokschilar musobaqasida ishtirok etar edi.
Tessin ilk jangini 20-dekabr kuni Tokiyoda o‘tkazdi. Uning raqibi Masafumi Kamiyama (u ham debyutant) kasbdoshini jangning so‘nggi raundida nokautga uchratdi. Shundan so‘ng, bokschi xushini yo‘qotdi va shifoxonaga jo‘natildi. Oradan 17 kun o‘tib esa Okada hayotdan ko‘z yumdi. Shu 17 kun davomida u xushiga kelganmi yoki yo‘qligi to‘g‘risida xabar berilmagan.
AFP ning e’tirof etishicha, Okada 1952-yildan buyon jangdagi jarohat tufayli vafot etgan 38-yaponiyalikka aylangan. Aynan 1952-yili Yaponiya Boks Komissiyasi tashkil etilgan.
Manba: Daryo.uz