Eng Sahovatpesha Tilanchi
Bolgariyaning Bailovo qishlog’ida yashovchi 98-yoshli ushbu chol har kuni erta saharlab turib, shaharda tilanchilik qilish uchun 10 kilometrlik yo’l bosadi. 2010-yili Bolgariya televideniyasida cherkovlar haqida hujjatli film olinish jarayonida hayriyalar haqidagi qiziq hujjatga duch kelishadi. Ushbu hujjatda eng sahovatpesha kimsa 40 000 yevro bilan tilanchi chol bo’lib chiqadi. Ma’lum bo’lischicha, u tilanchilik qilib topgan barcha pulini cherkovga hamda bolalar uyiga hadya etib, har oy oziq-ovqat maxsulotlari sifatida oladigan 100 yevrolik pensiyaga kun kechirar ekan. U shuningdek, uyi yo’q odamlar hamda boshqa muhtojlarga ham yordamini ayamaydi.
Oqko’ngil Militsioner
Nyu York politsiya hodimi Larri Deprimo Tayms-Skver maydonida tungi navbatchilik paytida oyoq kiyimlari do’koni yonida o’tirgan uysiz bir kimsaga ko’zi tushadi. Larri undan oyoq razmerini so’ragach, magazindan unga mos bir juft oyoq kiyim hamda paypoq sotib olib, uysiz kimsaga kiydirib qo’yadi.Sotuvchi esa ushbu qiziq jarayonni telefonida rasmga va videoga oladi va Nyu York politsiya mahkamasiga yuboradi. Tez fursatda ushbu rasm Facebook va boshqa ijtimoiy tarmoqlarda tarqalib, ko’pchilikning olqishiga sazovor bo’ladi.
Halol Qo’shnilar
Xelsinkidagi ko’p qavatli turar joylarning biridagi e’lon: "20 yevro. 1 va 2-etajlar orasida 11 sentabr 18:30 da topib olindi".
Superqahramon Oyna Tozalovchilar
Amerikaning Memfis shahridagi tozalov ishlari bilan shug’ullanuvchi kompaniya ishchilari Le Bonheur bolalar kasalhonasi oynalarini tozalashni super qahramonlar kiyimida amalga oshirdilar. Bolalar esa oynalari orqali O’rgimchak odam, Ko’rshapalak odam, Kapitan Amerika ni ko’rib, rosa zavqlanishdi.Mutaxassislarning fikricha bunday aksiyalarni o’tkazib turish kasal bolalarga juda ijobiy ta’sir ko’rsatar ekan, chunki ular kasalliklari haqida biroz unutib, qiziqarliroq narsalarni o’ylay boshlaydilar.
Vijdonli Yo’lovchilar
Kanada metrolaridan birida pul to’lab otish kerak bo’lgan eshik (turniket) buzilib qoladi va bu haqida kechroq biladilar. Atrofda metro nazoratchilari yo’qligiga qaramay, odamlar pul va biletlarini o’zlari bilib tashlab ketaverishdi.
Ishsizlarga samimiy yordam
Amerikadagi kiyim tozalash firmalaridan biri eshigida quyidagicha yozuvni o’qishingiz mumkin: Agar siz ishsiz bo’lsangiz va ish uchun suhbatga toza kiyim kerak bo’lsa, biz tekinga tozalab beramiz".
Oqk’ongil Sayyoh
Facebook, Odnoklassniki va boshqa itjimoiy tarmoqlarda juda ko’p marotaba qayta-qayta post qilinayotgan ushbu rasm Rio De Jeneyroda olingan. Izohga hojat bo’lmasa kerak.
manba: www.adme.ru, turfaolam.com
