Meksikadagi San Pedro Xuamelula shaharchasi meri Joel Vaskes Roxas timsoh bilan nikoh qurdi. International Business Times xabar berishicha, ushbu nikoh marosimi shahar boshlig'i timsohga uylangan ikkinchi shunday nikoh bo'ldi: Roxas o'tgan yili ham timsohga bilan turmush qurgandi.
Nikoh marosimida timsoh-kelinga barcha kelinlar kabi to'y qo'ylagi kiygazildi. Nikoh qasamyodlari keltirib o'tilgandan va boshqa urf-odatlar bajo keltirilgandan keyin kuyov kelinni o'pib qo'ydi. Bu paytda timsohning tumshug'i boylab qo'yilgan edi.
Raqs va bayramona feyerverklar bilan nishonlangan to'ydan keyin timsoh avval tutib olingan hovuzga qo'yib yuborildi.
Ushbu marosim shahar farovonligi uchun ataylab uyushtirildi. Mahalliy aholi bundan keyin baliq ovchilarining ovi yurishishiga umid bildirmoqdalar. Nikoh marosimi bilan bog'liq barcha sarf-xarajatlarni shahar aholisi o'z zimmasiga oldi.
