Meksikaning Nuevo-Leon shtatida joylashgan “Topo-Chiko” qamoqxonasi ma’muriyatiga qarshi hukumat ayblov e’lon qildi. Bu haqda “Korrespondent.net” xabar beradi.
Muassasada o‘tgan hafta sodir bo‘lgan tartibsizliklar davomida 52 nafar mahbus halok bo‘lgan, yana 12 nafari jabrlangan edi. Bosh prokuror Roberto Floresning arizasiga muvofiq, axloq tuzatish muassasalari bo‘yicha davlat agentligi vakili Xesus Fernando Dominges, qamoqxona sobiq direktori Gregoriya Salasar Robles va o‘rinbosar Robles Arturo Bernal Gonsales hibsga olingan.
Ularning har uchalasi qasddan odam o‘ldirishga aloqadorlikda va mansab vakolatlarini suiiste’mol qilishda ayblanmoqda.
“Ularga 1,2 ming yilga ozodlikdan mahrum etish jazosi tahdid solmoqda”, — dedi prokuror.
Manba
