“Forsaj” filmining bir necha seriyasida suratga tushgan amerikalik aktrisa Mishel Rodriges umrida birinchi marta avtomobilni soatiga 322 kmyu tezlikda boshqardi. U kuchaytirilgan Jaguar F-Type SVR kupesida shunday natijaga erishdi. Bu haqdagi videolavha avtomobil ishlab chiqaruvchining YouTube’dagi rasmiy kanaliga joylangan, deb yozadi "KUN.UZ".
Yaguarning SVR rusumli kupesi 575 ot kuchiga teng 5 litr hajmdagi 8 tsilindrli motorga ega. Motorda mexanik siquvchi uskuna ham o'rnatilgan. Mashina 8 bosqichli avtomatik uzatmalar qutisi yordamida harakatlanib, ilk 100 km. tezlikka 3,5 soniyada erishadi. Uning eng yuqori tezligi esa soatiga 322 kilometrni tashkil etadi. Rodriges ayni tezlikka Nevada shtati sahrosidagi yo'lda chiqa olgan.
