LG kompaniyasi 55 dyuymli OLED ekranga ega o‘ta yupqa televizorini namoyish etdi, deb xabar beradi The Korea Times.
Qurilma Janubiy Koreya poytaxti Seulda o‘tkazilgan sanoat ko‘rgazmasida namoyish qilindi. Televizorning og‘irligi taxminan 2 kilogrammni tashkil etadi va u devorga magnit qoplama yordamida mahkamlanadi.
Ushbu prototip LG kelajakda OLED-texnologiyasi rivoji uchun jiddiy e’tibor qaratishi va shunga o‘xshash mahsulotlar yaratishi isboti sifatida ko‘rsatildi. Hozircha uning qachon sotuvga chiqarilishi noma’lum.
LG’ning hozirga qadar 55 dyuymli OLED-televizorlari orasidagi eng ingichkasi 4,3 millimetrni tashkil etardi.
LG — OLED ekranlarini chiqarishda eng yetakchi kompaniyalardan biridir va uning bu yo‘nalishdagi asosiy raqobatchisi Samsung hisoblanadi. LG displeylarni o‘z qurilmalari uchun ham, uchinchi kompaniyalarga sotish uchun ham ishlab chiqaradi.
