Rossiyaning Checheniston respublikasi, Shtatoy tumanidagi Borzoy qishlog‘i yaqinida joylashgan harbiy qismda kelib chiqqan mushtlashuv milliy nizo bilan bog‘liq emas. Bu haqda Checheniston rahbari Ramzan Qodirov aytib o‘tdi, deb xabar qiladi “TASS” agentligi.
“Ixtilofga 23-fevralda sodir bo‘lgan voqea boshlanma berdi. Harbiy xizmatchilardan biri boshqasiga oshpaz ayol yonida hissiy bo‘yoqdor uyatli so‘zlar aytgani uchun tanbeh berdi. Bu holat bahsga aylanib ketdi. Qism qo‘mondonligi vaziyatni o‘z vaqtida nazorat ostiga olmadi”, – deb yozdi Qodirov Instagram’dagi sahifasida.
“Ayrim ommaviy axborot vositalari va shaxslar bo‘lib o‘tgan voqealarni ruslar va chechenlar o‘rtasidagi ixtilof qilib ko‘rsatish maqsadida yolg‘on sharhlar bermoqda. Ammo bunda hayron qolarli hech narsa yo‘q. Bunday voqealar dunyoning istagan armiyasida ro‘y berib turadi”, – deb qo‘shimcha qildi Qodirov.
Manba
