Uzoq vaqtlardan buyon foydalanuvchilar Facebook’ning Android dasturi qurilmaning avtonom ishlash vaqtini ancha qisqartirishi yuzasidan shikoyat qilib keladi. Endi esa ular bu borada turli sinovlar o‘tkazib, ularning natijalarini keltirmoqda, deb yozadi 3DNews.
Ba’zi foydalanuvchilar o‘tkazgan tajribalar Facebook App va Facebook Messenger telefondan o‘chirilgach, boshqa dasturlar 15 foizga tezroq yuklana boshlaganini ko‘rsatgan.
Shuningdek, The Guardian jurnalisti Facebook dasturiy ta’minoti qurilmaning avtonom ishiga qanday ta’sir qilishini tekshirib ko‘rdi. U Facebook App’ni o‘chirib tashlagach, Nexus 6P smartfoni taxminan 20 foizga uzoqroq ishlay boshlagan.
