Bernardo La Pallo 1901-yilda tug‘ilgan, u mustahkam sog‘liqni saqlab qolishga muvaffaq bo‘lgan, deb yozadi “Interesno” nashri. Uning o‘zi uzoq umr ko‘rishiga ko‘pchilik e’tiborsiz qoldiradigan beshta oziq-ovqat mahsuloti sabab bo‘layotganiga ishonchi komil.
AQShning Arizona shtatida tug‘ilgan Bernardo hech qachon kasal bo‘lmaganini ta’kidlaydi. Shifokorlar 114 yoshli cholning organizmi ko‘pchilik 80 yoshlilarnikiga nisbatan sog‘lomroq ekanligini tasdiqladi.
Uning so‘zlariga ko‘ra, uzoq umr ko‘rish sirini unga shifokor bo‘lgan otasi oshkor qilgan. La Pallo qizil go‘sht, yarim tayyor mahsulotlardan uzoq yuradi va ko‘proq bo‘tqalar, meva-sabzavotlar yeyishga harakat qiladi.
Sarimsoqpiyoz, asal, dolchin (koritsa), shokolad va zaytun yog‘i — La Palloning sog‘lom ovqatlanish ratsionidan o‘rin olgan beshta asosiy mahsulotdir.
“Ularni muntazam iste’mol qilsangiz, kamroq kasal bo‘lasiz va ko‘proq yashaysiz”, — deydi La Pallo.