Oxirgi sutka davomida Afg‘oniston armiyasi qo‘shilmalari mamlakat shimolida o‘tkazilgan amaliyotlarda 19 jangarini yo‘q qildi, yana 13 nafarini qo‘lga oldi. Bu haqda “RIA Novosti” agentligi xabar bermoqda.
Hukumat qo‘shinlari “Tolibon” jangarilariga qarshi Bog‘lon va Taxor viloyatlarida harbiy operatsiyalar o‘tkazdi.
Taxor viloyatida Afg‘oniston milliy xavfsizlik direktorati xodimlari tomonidan o‘tkazilgan reydlar mobaynida 13 nafar jangari ushlandi. Ular davlat xizmatchilari va ruhoniylarga hujumlar uyushtirishda, fuqarolarni o‘g‘irlashda va ularga tahdid solishda gumon qilinmoqda.
