IShID terrorchi guruhining o‘n nafar jangarisi Afg‘onistonning Nangarxar viloyati mudofaa organlariga taslim bo‘ldi. Bu haqda, mahalliy ma’muriyat ma’lumotiga asoslanib, “RIA Novosti” xabar bermoqda.
Aytilishicha, taslim bo‘lganlar ichida ikki nafar qo‘mondon ham bo‘lgan. Ular barcha qurollarini mahalliy ma’muriyatga topshirgan.
Ilgariroq xabar qilinganidek, Afg‘oniston qurolli kuchlari tomonidan butun mamlakat bo‘ylab o‘tkazilgan operatsiyalar chog‘ida ellikka yaqin jangari, jumladan, IShID guruhining 46 nafar a’zosi yo‘q qilindi.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
