IShID jangarilari Iroqning g‘arbiy Anbar provinsiyasidagi El-Qaym shahrida 300 kishini qatl etdi, deya xabar bermoqda Iraqi News.
Jihodchilarning qurbonlari tinch aholi vakillari bo‘lgan, ular Iroq davlat xavfsizlik kuchlari bilan hamkorlik qilishda ayblangan.
8-aprel kuni Anbar provinsiyasi kengashi raisi Sabah Karhut mintaqani IShID jangarilaridan ozod qilish bo‘yicha harbiy operatsiya boshlanganini e’lon qilgan edi. Jangovar harakatlarda o‘n mingdan ortiq jangchilar — mahalliy qabilalar vakillari qatnashmoqda.
