Iroq Harbiy-havo kuchlari Anbar viloyatining Subhayat tumanida IShID qo‘mondonlaridan birini yo‘q qildi. Bu haqda “RIA Novosti” xabar beradi.
Alsumaria telekanalining ma’lum qilishicha, o‘ldirilgan Riyod Ahmad Iso al-Xalifaiy bo‘lib, u xavfli terrorchi hisoblangan. Milliy razvedka agentligining ma’lumotlari o‘rganib chiqilgandan so‘ng, Subhayat tumanidan shimoldagi Karma shahrida aviahujum uyushtirilgan.
Bundan tashqari, AQSh boshchiligidagi xalqaro koalitsiya Salohiddin viloyatidagi Samarra yaqinida bir nechta zarba bergan. Natijada 17 nafar jangari va ularga tegishli 13 ta transport vositasi yo‘q qilingan.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Manba
