Kanada Harbiy-havo kuchlari Suriya va Iroqdagi IShID pozitsiyalarini bombardimon qilishni to‘xtatdi. Bu haqda Kanada Mudofaa vazirligi ma’lumotiga tayanib, “Korrespondent.net” xabar beradi.
“Kanada hukumatining ko‘rsatmasiga muvofiq, mamlakat qurolli kuchlari joriy yilning 15-fevralidan zarba berish (Suriya va Iroqda) bo‘yicha operatsiyani to‘xtatdi”, — deyiladi xabarda.
Hujjatda ta’kidlanishicha, bundan keyin Kanada qurolli kuchlari xalqaro koalitsiya doirasida IShIDga qarshi kurashishdagi o‘z hissasini qaytadan yo‘naltirishni rejalashtirmoqda.
Yaqin bir necha hafta ichida oltita F-18 qiruvchi-bombardimonchi samolyoti va unga xizmat qiluvchi xodimlar Kanadaga qaytib keladi.
