29.02.2016, 18:40 Sport

Mashhur sportchilar, xususan, futbolchi va murabbiylarning o'z hayotiy yo'lini bayon qilgan kitob yozishganiga ko'p guvoh bo'lganmiz, deb yozadi "Championat.asia".

Jumladan, Diego Maradona, Zepp Blatter, Aleks Fergyuson... Qisqasi, faoliyati haqida kitob yozgan mashhur insonlar ko'p. Kitoblarning aksari katta tirajlarda chop etilganiga qaramasdan juda tezda sotilib ketgani ham hech kimga sir emas. CHunki mualliflar o'z asarlarida faoliyatidagi muxlislar bilmagan haqiqatlarni, ichki sirlarni qisman bo'lsa-da, oshkor qilishadi. Aynan shu tufayli ham kitoblar tez qo'lma-qo'l bo'lib ketadi.

Qiziq, o'zbek futbolida faoliyat ko'rsatayotgan yoki ko'rsatgan rasmiylarimiz ham shunday mazmundagi kitoblar yozsa, uning sotuvi qanday bo'lar ekan-a?! O'ylashimcha, bizda ham bunday kitoblarning sotuvi chaqqon bo'ladi, faqat buning birgina oddiy sharti bor: muallif o'z kitobiga hech bo'lmasa 50 foiz haqiqatni kiritsa, bunday kitoblarning sotuvidan yaxshigina mablag' ishlab olish mumkin bo'ladi.

Biz xorijlik yulduzlardan ko'ra, o'zimiznikilarni ko'proq yaxshi ko'ramiz. Ularni hurmat qilamiz, ular uchun qayg'uramiz, ularning hayoti biz uchun qiziq. SHuning uchun ulardan o'z hayot yo'llariga bag'ishlangan kitoblarni kutib qolamiz.

Bo'lim: Sport Fikrlar: 0

Agar biznikilar kitob yozsa...

Qaynoq xabarlar

Qiziqarli ma'lumotlar