Aleksey Millerning “Gazprom” bilan shartnomasi yana besh yilga uzaytiriladi. Rossiya hukumati kompaniya direktorlar kengashidagi davlat vakillariga mazkur masala yuzasidan tegishli ko‘rsatma berilishini ma’qulladi, deya xabar qiladi “TASS”.
Shu tariqa dunyodagi eng yirik gaz kompaniyalaridan birini 15 yildan beri boshqarib kelayotgan Millerning vakolatlari 2021-yil mayiga qadar uzaytiriladi. U lavozimni egallab turish muddati bo‘yicha nafaqat boshqa davlat kompaniyalari rahbarlari, balki “Gazprom” va sobiq Ittifoq gaz sanoati vazirligidagi o‘tmishdoshlarini ham ortda qoldirishi mumkin.
Shartnoma uzaytirilishi Rossiya prezidenti ma’muriyati bilan ham kelishilishi lozim, ammo bu “rasmiyatchilik uchun” ekanligi aytilmoqda.
Manba
