Apple quloq ichiga qo‘yiladigan Beats’ning simsiz quloqchinlari ustida ish olib bormoqda. Bu haqda 9to5Mac nashriga tayanib, TJournal xabar bermoqda.
Ular iPhone 7 ning taqdimoti bilan bir vaqtda chiqishi kutilmoqda. Ushbu quloqchinlar tufayli kompaniya simli quloqchinlarning portidan voz kechmoqchi.
Apple 2014-yilda 3 milliard dollarga sotib olgan Beats kompaniyasi bilan yangi simsiz quloqchin-garnituralarini ishlab chiqmoqda, ular quloq ichiga joylashtiriladi va Bluetooth’da ishlaydi. Loyiha hozircha iPhone 7 singari prototip bosqichida turibdi, biroq Apple ikkala mahsulotni ham 2016-yil kuzida taqdim etmoqchi.
Quloqchinlarda shovqinni bosish texnologiyasi, qo‘ng‘iroqlarni amalga oshirish va Siri’dan foydalanish imkoniyati bo‘lishi kutilmoqda.
Apple va Beats’ning yangi mahsuloti maxsus keys orqali simsiz quvvatlantiriladi. Bir marta quvvatlantirilgan quloqchinlar to‘rt soatgacha ishlashi mumkin.
9to5Mac ma’lumotlariga ko‘ra, yangi mahsulot AirPods deb nomlanadi. Nashr AirPods iPhone 7 dan alohida sotiladi, deb hisoblamoqda.
