Argentinadagi Atlantika sohiliga o‘zini otgan yosh delfin to‘g‘ri sayyohlar qo‘liga tushdi. Uni ortiga, suvga qo‘yib yuborish o‘rniga sayyohlar selfiga berilib ketdi va jonivor o‘sha joyning o‘zida, bir erkakning qo‘lida o‘ldi, deya hikoya qiladi “Segodnya.ua”.
Noyob La-plat turiga mansub bo‘lgan kichik delfin Buenos-Ayres viloyatining Santa-Terezita shahridagi plyajga o‘zini otgani bildirilmoqda.
Jonivor quruqlikda ekanligida sayyohlar qo‘liga tushgan. Agar uni darrov suvga qaytarilganda, delfin omon qolgan bo‘lardi. Biroq jonivor suvsizlanish va yuqori harorat oqibatida nobud bo‘ldi. Uni hatto shundan so‘ng ham tinch qo‘yishmadi: sayyohlar o‘lik delfin bilan birga suratga tusha boshladi.
Manba
