Eng yirik aloqa operatori “Beeline” halqaro ovozli rouming geografiyasi muvaffaqiyatli kengaygani haqida xabar beradi. 1 dekabrdan CAMEL-rouming xizmati Avstriyadagi T-Mobile hamkorlik tarmog‘ida amal qilmoqda.
““Beeline” kompaniyasi o‘z abonentlarini nafaqat roumingda ishonchli aloqa bilan ta’minlash, balki hisoblarida eng kam mablag‘ qolganida ham aloqada qolishlari uchun harakat qiladi, – deydi “Unitel”ning Jamoatchilik bilan aloqalar xizmati rahbari Oraz Abdurazakov.– Innovatsion texnologiyalar CAMEL-roumingni telefonda avtomatik ravishda yoqadi, va bu xizmatni abonentlar uchun yanada qulay qiladi”.
Eslatib o‘tamiz, CAMEL-rouming xizmati istalgan musbat balansda, ya’ni abonent balansi $0 ga teng bo‘lguniga qadar $50 kafolatli badalsiz “Beeline” aloqasidan foydalanish imkonini beradi. Bunda hisobdagi mablag‘ real vaqt rejimida yechib olinadi. CAMEL-rouming aktivlashtirishni talab qilmaydi, chunki xizmat telefonda avtomatik tarzda yoqilgan. Xizmatdan oldindan to‘lov tizimidagi tarif rejalaridan foydalanuvchi abonentlar - jismoniy shaxslar hisoblarida istalgan musbat qoldiq bo‘lganida foydalanishlari mumkin.
