Eng yirik aloqa operatori “Beeline” abonentlarni shu kunlarda takrorlanayotgan SMS-spam haqida ogohlantiradi.
“Beeline” axborot xavfsizligi bo‘yicha mutaxassislarining aniqlashlaricha umumiy spam-hujumning maqsadi uyali moslamaga xavfli dasturni o'rnatish va keyinchalik uni manzil kitobidagi barcha raqamlarga havfli ssilka (havolani) tarqatish. Ya’ni, abonent ko‘rsatilgan havola bo‘yicha o‘tsa, uning raqamlar ro‘yhati firibgarlarning qo‘liga tushadi. Buning natijasida abonentlar shaxsiy ma'lumotlarini, pul mablag‘larini yo‘qotishi, havfli dasturni uyali moslamasiga yuklab olishi, hamda spam-ro‘yhatga raqami tushib qolishi mumkin.
Quyidagi ko'rinishdagi SMS xabar olganingizda, zinhor berilgan ssilka orqali o'tmasligingizni so‘raymiz, shunchaki uni o‘z uyali moslamangizgan o‘chirib tashlang. Hozirgi paytda ushbu sayt “Beeline” abonentlari uchun bloklangan. Xavfli dastur mavjud havolaning manzili o‘zgarishi mumkin.
