BMT bosh kotibi Pan Gi Mun Damashq vaqti bilan 27-fevralga o‘tar kechasidan boshlab jangovar harakatlarni to‘xtatish haqidagi kelishuvni ma’qulladi, shuningdek, o‘zining maxsus elchisi Staffan de Mistura ushbu kelishuv amalga oshirilishini qo‘llab-quvvatlashga tayyorligini ma’lum qildi. Bu haqda “TASS” xabar berdi.
Bosh kotib rasmiy vakili Stefan Dyujarrik so‘zlariga ko‘ra, Pan Gi Mun tomonlarni Damashq va muxolifat o‘rtasidagi muzokaralarni qayta boshlash uchun sharoit yaratadigan “bitim shartlariga rioya qilish”ga chaqirmoqda.
U maxsus elchi de Misturaning idorasi “bitimning Damashqdagi voqea joyida ham, Jenevadan turib ham bajarilishini qo‘llab-quvvatlashga tayyor”ligini ma’lum qildi.
Eslatib o‘tamiz, avvalroq Rossiya va AQSh Suriyada o‘t ochishni to‘xtatishga kelishib olgani, unga ko‘ra, o‘t ochishni to‘xtatish rejimi 27-fevraldan boshlab kuchga kirishi kerakligi xabar berilgan edi. Al Jazeera ma’lumotiga ko‘ra, rejim IShID va “Jibhat an-Nusra” terrorchilik tashkilotlariga nisbatan amal qilmaydi.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Manba