Hozirgi kunda deyarli har bir insonda smartfon yoki planshetlar bor bo'lishiga qaramay, ko'pchilik eslatma, yozuvlar yoki rasmlar uchun an'anaviy yon daftarchalardan foydalanishni afzal ko'radi. Ammo barcha varaqlar to'lib bo'lgach, uni tashlab yuborishga majbur bo'lamiz va yangisini sotib olamiz, deb yozadi "KUN.UZ".
Biroq raqamli Rocketbook Wave daftari bilan endi yangi kundaliklar uchun pul sarflamasak ham bo'ladi. Varaqlardagi yozuvlar iliq havo bilan ishlov berilgandan so'ng izsiz yo'qoladi. Buning uchun fen yoki mikroto'lqinning issiq havosi asqotadi. Agar Rocketbook Wave’dagi yozuvlar katta ahamiyatga ega bo'lsa, ularni dasturiy ta'minot yoki mobil qurilmalardagi kamera yordamida raqamlashtirish mumkin. Har bir betdagi 9ta maxsus belgilardan iborat qr-kodli imkoniyatlar tufayli foydalanuvchi o'zining qimmatli yozuvlarini saqlashi mumkin bo'ladi. Ular ma'lumotlarni (Google Drive, Yevernote va boshqalar) kiritishga mo'ljallangan servis hisoblanadi. Yon daftarchalarda yozuvlarni qoldirish uchun dasturchilar maxsus termoxromatik siyohli Pilot Frixion ruchkalarini ishlatishni tavsiya etishdi. Ularni o'quv qurollari do'konidan harid qilish mumkin. Rocketbook Wave’ni Kickstarterda 27 dollarga sotib olish mumkin.
