Finlyandiyaning Yulivieska shahrida pasxa ibodati oldidan 18 asrda barpo etilgan qadimiy cherkov yonib ketdi. Bu haqda Kaleva nashri xabariga asoslanib "KUN.UZ" ma'lumot bermoqda.
Qutqaruvchilarning fikricha, cherkovga ataylab o't qo'yilgan bo'lishi mumkin. Ma'lum qilinishicha, cherkovda yong'in chiqqandan bir soat o'tib u butkul vayronaga aylangan, qo'ng'iroq qulagan, cherkovdagi anjomlarni saqlab qolishning iloji bo'lmagan.
Jabrlanganlar haqida ma'lumot berilmagan.
Keyinroq politsiya cherkovga o't qo'yishda gumon qilib yosh yigitni qo'lga olgan.
