PhoneArena mutaxassislari eng ommabop smartfonlar akkumulyatorlarining yashovchanlik xususiyatini o‘rganib chiqdi. Ular orasida iPhone 5s va Samsung Galaxy S5 qurilmalari ham bor. Bu haqda mobinfo.uz xabar berdi.
Sinov natijalariga ko‘ra, 2800 milliamper/soat hajmidagi Galaxy S5 akkumulyatori ko‘pchilik raqiblarini ortda qoldirdi. Jumladan, bir marta quvvat olgandan so‘ng bo‘ladigan telefon suhbati davomiyligi bo‘yicha eng past ko‘rsatkichga ega bo‘lgan iPhone 5s’dan uch marta o‘zib ketdi. Bu borada LG G2 va Samsung Galaxy Note 3 unga teng keldi; Sony Xperia Z1 va LG Nexus 5 esa ulardan ancha ortda qoldi.
Internetda ishlash chog‘ida akkumulyatorning chidamliligi bo‘yicha esa iPhone 5s eng yuqori ko‘rsatkich qayd etdi. Samsung Galaxy S5 va LG G2 bu borada unga juda yaqin keldi. Qolgan uchta qurilma ulardan deyarli yarim barobar ortda qoldi.
