Turkiyaning Istanbul shahrida navbatdagi terakt amalga oshirildi. Bu haqda Reyter agentligi xabar tarqatdi, deb yozadi "KUN.UZ".
Qayd etilishicha, portlash shaharning aholi gavjum bo'ladigan ko'chalaridan birida, savdo markazi oldida yuz bergan. Bu vaqtda soat Toshkent vaqti bilan 14:00 edi.
Oxirgi ma'lumotlarda portlash natijasida 4 kishi halok bo'lgani va 20 kishi jarohatlangani aytilgan. Qurbonlar soni ortishi mumkin.
Mahalliy manbalarga ko'ra, shaharning sayyohlar ko'p tashrif buyuradigan Istiqlol ko'chasida terrorchi hudkush o'zini portlatgan.
Hududga tez tibbiy yordam mashinalari va maxsus xizmatlar vakillari yetib kelishgan.
Hudud politsiya tomonidan o'rab olingan. Hodisa tafsilotlari o'rganilmoqda.
Turkiyada 13 mart kuni oxirgi marta yirik teraki sodir etilgan, mamlakat poytaxti Anqara shahrida avtobus yonida terrorchilar boshqaruvidagi avtomobil portlatilishi oqibatida 37 kishi halok bo'lib, 70dan ortiq kishi jarohatlangandi. Bu terakt uchun javobgarlikni kurdlarning "Kurdiston ozodligi lochinlari guruhi o'z zimmasiga oldi.
