Bentley EXP10 Speed 6 kupesi Italiyada 22-24 may kunlari bo'lib o'tgan Concorso d’Eleganza Villa d’Este dizayn tanlovida namoyish qilingan prototip va kontseptual avtomobillar orasida eng chiroylisi deb topildi. Tanlov hakamlar hay'ati mukofotni britan avtomobil ishlab chiqaruvchisining shef-dizayneri Lyuk Donkervolkega topshirdi.
Bentley EXP10 Speed 6 kontseptual kupesi mart oyida Jeneva avtosalonida ilk bor namoyish qilingan.
Bentley mijozlari kompaniyaga ushbu avtomobilni seriyali tarzda ishlab chiqarish iltimosi bilan murojaat qilishdi hamda uning ko'rinishida hech narsani o'zgartirmaslikni so'rashdi. Bildirilgan ijobiy fikrlarga qaramasdan, kompaniya faralarni o'zgartirmoqchi. Kompaniya rahbari Volfgang Dyurxaymerning aytishicha, faralar “biroz beo'xshovroq” chiqqan.
Bu modeldagi Bentley ni ishlab chiqarish bo'yicha yakuniy qaror kuzda qabul qilinadi. Agar sportkupeni ishlab chiqarishga ruxsat olinsa, unda u 2018 yildan avvalroq konveyerga qo'yiladi
