“Porsche Cayenne”ning qayta ishlangan eng kuchli ko'rinishi – “Turbo S” – Nyurburgringning eng tez yurar mashinasi deb tan olindi. Detroyddagi motorshouda ilk premerasi bo'lib o'tgan ushbu yangi mashina 7 daqiqa-yu 59,74 soniya ichida “Shimoliy halqa” doirasini bosib o'tishga muvaffaq bo'ldi.
“Porsche Cayenne Turbo S” zamonaviy 570 ot kuchini va 800 oborot/minutli aylanish lahzasini keltirib chiqaruvchi 4,8 litrli “sakkiztalik” tvin-turbo bilan jihozlangan. U dorestayling modelidan 20 ot kuchi va 50 oborot/minutga ko'pligi bilan farq qiladi. Transmissiyasi – sakkizqadamli “avtomat” hisoblanadi. Nyurburgringning bundan oldingi rekordi trassani 8 daqiqa-yu 14 soniyada bosib o'tgan “Range Rover Sport SVR”ga tegishli bo'lgan. Norasmiy ma'lumotlarga ko'ra, kuzda ushbu natija doirani 8 daqiqa-yu 5 soniyada bosib o'tgan “BMW X6 M”ning “quvvatlangan” ikkinchi avlodi tomonidan urib tushirildi.
Ushbu tez yurar mashina birinchi “yuz tezligiga” 4,1 soniyada erishishga qodir, bu bundan oldingi oiladosh mashinadan 0,4 soniyaga tezroqdir. Eng yuqori tezligi esa soatiga 284 kilometrni tashkil etadi. Taqqoslash uchun shuni aytish mumkinki, “BMW X6 M”ning yangi avlodi 4,2 soniyada tezlikni soatiga noldan yuz kilometrgacha oshirishi mumkin, uning “maksimal tezligi” elektron ko'rsatkichda soatiga 250 kilometr bilan cheklangan.
Ushbu yangi mashina oldi tarafidan 420 millimetr diskli 10 porshinli karbon-keramik tormoz mexanizmlari bilan va orqa tarafdan 370 millimetr diskli to'rtta porshin bilan jihozlangan. Standart qurilma, shuningdek, mexatron shassi va yuk tortuvchi kuchni qayta taqsimlash tizimini ko'zda tutadi.
Bundan tashqari, u “911 Turbo” sport mashinasi stilida bajarilgan 21 dyumli allyumin g'ildirakli disklar, asosiy yorug'likning nurli-diodli faralari va sportga oid chiquvchi tizim bilan jihozlangan.
